Matandang Musikero

Di pa uso noon ang hi-tech
At wala pang alternative music
Ngunit ang kanyang mga awit ay totoo
Sa mga kantang sinulat
Ay marami ang namulat
Kahit na ang karamiha'y di nagbago



Buhay pa rin ang musika

Sa kanyang gitara
Kahit na si Koyang Jess tumatanda na
Buhay pa rin ang pag-ibig

Sa sariling himig
Kailan lang siya'y nag-umpisa



Noo'y hindinghindi pupuwede
Musikerong hindi pogi
Ngunit naglakasloob siyang maiba
Sa taglay niyang katapangan
Ang iba ay nabuhayan
Kung kaya kami ngayo'y marami na



Buhay pa rin ang musika

Sa kanyang gitara
Kahit na si Heber ay tumatanda na
Buhay pa rin ang pag-ibig

Sa sariling himig
Kailan lang siya'y nag-umpisa



Ilang beses nang napasabak
Ilang beses nang napahamak
Sa lasing, pulis at budget na aruy

Ilang puwesto na ang nasubukan
Ilang rally na ang naranasan
Ilang konsyerto na ang di natuloy



Tuloy pa rin ang musika

Sa kanyang gitara
Kahit na si Pol Galang nasa Europe na
Tuloy pa rin ang pag-ibig

Sa sariling himig
Kailan lang siya'y nag-umpisa



Ilang lyrics na ang nalimutan
Ilang sablay na sa tugtugan
Ilang kwerdas na kaya ang napatid
Mangyayari rin kaya sa akin
Ganun din kaya ang sasabihin
Ng mga nakababatang kapatid



Buhay pa rin ang musika

Sa kanyang gitara
Kahit na si Granada'y matanda na
Buhay pa rin ang pag-ibig

Sa sariling himig
Kailan lang siya'y nag-umpisa



Kailan lang siya'y nag-umpisa

Kailan lang siya'y nag-umpisa
Bakit ba mukha siyang bata pa