Balon

by: Gary Granada


Malimit mong tinatanong sa akin
Ang tunay na sanhi at solusyon
Ng buhay na pinahihirap natin
Bakit nagkaganito, bakit nagkakaganun
Ulit lang ng ulit lang ng ulit habangpanahon



Huwag kang tumingala sa alapaap
Ang ulap ay hindi panginoon
Huwag mong sisirin ang lalim ng dagat
Ang tubig na maalat ay di tagaroon
Daluy lang ng daluy lang ng daloy habangpanahon



Sa balon, sa balon, sa balon ay naroon
Naroon, naroon, naroon lang ang tugon
Ang tugon, ang tugon, ang tugon sa iyong tanong
Ay naroon, naroon sa balon



May bago nga ba sa mundong ibabaw
Kung ang nandoon ay dati nang nandoon
Sisikat din at lulubog ang araw
At di mo maipangaw ang duyan ng taon
Inog lang ng inog lang ng inog habangpanahon



Ang ating karununga'y nakatali
Sa hangin at buhanging ilusyon
At ang dinami-daming mga lahi
Sistema at ugali, kultura't tradisyon
Salin lang ng salin lang ng salin habangpanahon



Sa balon, sa balon, sa balon ay naroon
Naroon, naroon, naroon lang ang tugon
Ang tugon, ang tugon, ang tugon sa iyong tanong
Ay naroon, naroon sa balon



Malimit mong tinatanong sa akin
Ang tunay na sanhi at solusyon
Ang tao ay mahirap unawain
Sinasagot nila ang di mo tinatanong
Ikut lang ng ikut lang ng ikot habangpanahon



Sino ba ang dapat na sisihin
Sino ba ang nasa posisyon
Patulan mo ang ibig kong sabihin
Kung may ibig sabihin, ito'y isang pasyon
Ulit lang ng ulit lang ng ulit habangpanahon