Ibon

Di ba't para sa lahat, munti nating ilaw

Tulad ng sinag ng buwan at sikat ng araw

Di ba't ang mga taong natututong lumaya

Tulad ng mga ibong hindi nababahala



Di sila nag-iimbak, ang buhay ay kaypayak

Sa daigdig na ang lahat ay para sa lahat

Di sila naghahasik, di sila nagdidilig

Sa mundong ang mas mahalaga ay pag-ibig



Wika nga'y magsama man dal'wang ibong bihag

Kahit apat ang pakpak hindi makalipad

Gaya ng mga pusong kailangang palayain

Gaya ng mga ibong malaya ang damdamin



Di sila nag-iimbak, ang buhay ay kaypayak

Sa daigdig na ang lahat ay para sa lahat

Di sila naghahasik, di sila nagdidilig

Sa mundong ang mas mahalaga ay pag-ibig